Leikið verður í ítölsku úrvalsdeildinni yfir hátíðarnar líkt og gert er í ensku deildinni. Juventus á þétt leikjaprógram framundan og gaf Massimiliano Allegri það út eftir leikinn í gær að hann ætlaði að gefa Ronaldo frí í að minnsta kosti einum leik yfir hátíðarnar.

„Ronaldo er frábær atvinnumaður. Hann hugsar um öll smáatriði sem gerir það að verkum að hann er í því standi sem hann er í," sagði Allegri eftir leikinn í gær.

„Ég er búinn að láta hann vita að því að hann muni hvíla í að minnsta kosti einum leik yfir hátíðarnar."