Öll bestu félög Evrópu eru að berjast um Matthijs de Ligt um þessar mundir. Hann er metinn á rúmlega 60 milljónir evra.
Hollenski varnarmaðurinn Matthijs de Ligt hefur verið valinn gulldrengurinn 2018, nafnbót sem er veitt efnilegasta U21 árs leikmanni Evrópu á hverju ári.
De Ligt er aðeins 19 ára gamall en er þegar orðinn fyrirliði Ajax og á 13 A-landsleiki að baki.
Ítalska dagblaðið Tuttosport stendur að baki verðlaununum og eru íþróttafréttamenn um alla Evrópu sem fá kosningarétt.
Kylian Mbappe var Gulldrengurinn í fyrra en var ekki meðal þeirra fimm sem komu til greina í ár þrátt fyrir að vinna heimsmeistaramótið með Frakklandi.
Justin Kluivert, kantmaður Roma, kom einnig til greina ásamt Trent Alexander-Arnold, Vinicius Junior og Patrick Cutrone.
Athugasemdir