Kvennalið Selfyssinga varð Íslandsmeistari í Futsal eftir öruggan 5-1 sigur gegn Álftanesi í íþróttahúsi Vallaskóla í gær.
Selfoss endaði í öðru sæti Íslandsmótsins í Futsal í fyrra eftir tap gegn Álftanesi í úrslitaleiknum og því var kjörið tækifæri til að ná fram hefndum.
Þetta er í annað sinn sem Selfoss verður Íslandsmeistari kvenna í Futsal eftir að liðið vann mótið einnig fyrir tveimur árum.
Utandyra leikur kvennalið Selfoss í Pepsi-deildinni en Álftanes endaði í 3. sæti í 2. deild í sumar.
Athugasemdir