Þórður Ingason, markvörður Fjölnis, gæti lagt hanskana á hilluna samkvæmt frétt Morgunblaðsins í dag.
Samningur Þórðar við Fjölni rann út í október og hann staðfesti í samtali við Morgunblaðið í gær að ekki væri áhugi fyrir áframhaldandi samstarfi við uppeldisfélag sitt.
Samningur Þórðar við Fjölni rann út í október og hann staðfesti í samtali við Morgunblaðið í gær að ekki væri áhugi fyrir áframhaldandi samstarfi við uppeldisfélag sitt.
„Það verður að vera eitthvað rosalega spennandi eftir áramót svo ég taki slaginn. Ég er búinn að vera í fríi og ekki heyrt í neinum enn þá,“ sagði Þórður við Morgunblaðið aðspurður út í framhaldið.
Hinn þrítugi Þórður hefur spilað 244 leiki á ferlinum en þar af eru 134 í efstu deild. Auk Fjölnis hefur Þórður spilað með KR og BÍ/Bolungarvík.
Fjölnir fékk markvörðinn Atla Gunnar Guðmundsson frá Fram á dögunum en hjá félaginu er einnig markvörðurinn Jökull Blængsson sem var í láni hjá Haukum síðastliðið sumar.
Athugasemdir