Pep Guardiola, stjóri Manchester City, segist ekki geta gert margar breytingar á liði sínu fyrir leikinn gegn Leicester í 8-liða úrslitum enska deildabikarsins annað kvöld.
David Silva, Benjamin Mendy og Claudio Bravo eru frá keppni en Sergio Aguero er að koma til baka eftir meiðsli á nára.
Guardiola reiknar ekki með alltof mörgum breytingum gegn Leicester frá því í sigrinum á Everton á laugardaginn.
„Vandamálið er að við höfum ekki marga leikmenn til að velja úr," sagði Guardiola.
„Við erum með marga leikmenn meidda. Sumir leikmenn sem spiluðu í síðasta leik þurfa að spila aftur (gegn Leicester)."
Athugasemdir