Sigurður Ragnar Eyjólfsson hefur sótt um starf yfirmanns knattspyrnumála hjá knattspyrnusambandi Singapúr. Þetta kemur fram í fjölmiðlum þar í landi.
Sigurður Ragnar hefur verið án starfs síðan að var rekinn sem þjálfari kínverska kvennalandsliðið í fyrra vor.
Hann kom kínverska landsliðinu á Heimsmeistaramótið sem fram fer í sumar.
„Ég hefði að sjálfsögðu kosið að fá meiri þolinmæði til verksins en tæplega 6 mánuði enda tekur lengri tíma en það að mínu mati að byggja upp nýtt landslið en því miður fengum við ekki þolinmæði til þess," sagði Sigurður eftir brottreksturinn í Kína.
Sigurður stýrði íslenska kvennalandsliðinu í sjö ár eða á árunum 2006-2013. Eftir það hefur hann verið í nokkrum þjálfarastörfum. Til að mynda tók hann við karlaliði ÍBV, varð aðstoðarþjálfari Lillestrøm og tók við kvennaliði Jiangsu Suning.
Hann ræddi við The Straits Times, sem er fjölmiðil í Singapúr meðal annars um landslagið í íslenskri knattspyrnu og velgengni landsliðanna.
Ekki kemur fram hvenær ráðið verður í starfið.
Athugasemdir