Nú er í gangi leikur Leeds og Derby County í Championship-deildinni, en á æfingu Derby í gær varð Frank Lampard, stjóri liðsins, var við njósnara.
Hinn litríki stjóri Leeds, Marcelo Bielsa, hefur viðurkennt að hafa sent mann á æfingu hjá Derby í vikunni.
Bielsa segist einn taka fulla ábyrgð á málinu og segist ekki hafa spurt yfirmenn sína hjá Leeds um leyfi, hann einn hafi átt hugmyndina.
Bielsa sagði á blaðamannafundi að hann hafi talað við Lampard eftir atvikið og Lampard sagt honum að þetta væri ekki í lagi, þetta bryti á reglum.
„Ég hef aðra skoðun á málinu en eina skoðunin sem skiptir máli er skoðun Derby og Lampard. Ég hef gert þetta síðan fyrir HM 2002 þegar ég var með Argentínu. Sumum finnst þetta í lagi en öðrum ekki," sagði Bielsa.
Á æfingu í gær stoppaði Lampard æfingu Derby þegar að lögregla kom á æfingasvæðið vegna þess að maður hegðaði sér grunsamlega á jaðri þess. Maðurinn leit út fyrir að vera njósna um liðið á lokaæfingu þess fyrir leik liðsins gegn Leeds.
Maðurinn fannst með kíki á sér og föt til skiptana. Starfsmenn Derby komust að því að maðurinn vann fyrir Leeds.
Lampard segist ekki ætla að kvarta undan atvikinu, þetta væri samt ekki í fyrsta skiptið sem svona lagað gerðist á þessu tímabili. Hann vonast til að deildin taki á þessu.
„Fyrir leikinn sem við töpuðum 4-1 gegn þeim þá sáum við einnig mann í runnunum. Það gerir þetta tvisvar á sömu leiktíð," sagði Lampard.
Athugasemdir