Keflavík mætti í kvöld ÍBV í Reykjaneshöllinni. Þetta var fyrsti leikur liðanna í Faxaflóamótinu. Liðin leika í A-riðli.

Natasha Anasi skoraði fyrsta mark leiksins fyrir Keflavík en ÍBV náði að jafna á 21. mínútu. Dröfn Einarsdóttir og Sveindís Jónsdóttir skoruðu báðar fyrir Keflavík áður en hálfleikurinn var úti.

Arndís Ingvarsdóttir skoraði lokamark leiksins fyrir Keflavík á 50. mínútu og unnu því Keflvík þennan fyrsta leik liðanna í mótinu. Með þessum sigri komst Keflavík á topp riðilsins á markatölu. Breiðablik og HK/Víkingur eru einnig með þrjú stig en ÍBV er þó ekki á botninum þar sem að Stjarnan hefur tapað fyrstu tveimur leikjum sínum.

Bæði þessi lið, Keflavík og ÍBV leika í Pepsi deild kvenna á komandi leiktíð. Liðin eiga næst leik laugardaginn nítjánda janúar en þá mætir Keflavík liði Selfoss og ÍBV mætir HK/Víking.

Markaskorarar af urslit.net