Heimamenn jöfnuðu og komust yfir með tveimur sjálfsmörkum og stóðu uppi sem sigurvegarar án þess að eiga stakt skot sem rataði á markrammann.

„Þetta var ótrúlegur leikur. Við skorum frábært mark en svo erum við allt í einu komnir undir útaf tveimur sjálfsmörkum, það er ótrúlegt. Við fengum svo færi til að jafna en skutum í slánna og svo björguðu þeir á línunni," sagði Ranieri að leikslokum.

„Núna þurfum við að bregðast rétt við, eina sem við getum gert í stöðunni er að halda áfram að berjast fyrir stigum, við megum ekki gefast upp.

„Við áttum skilið stig að minnsta kosti en svona er fótboltinn, þessi æðislega íþrótt."

Nýliðar Fulham eru fimm stigum frá öruggu sæti í deildinni. Þetta var þriðji sigur Burnley í röð og er liðið þremur stigum fyrir ofan fallsæti.

Fulham á heimaleiki framundan gegn Tottenham og Brighton á meðan Burnley heimsækir Watford og Manchester United.