Sergio Ramos fékk afhent verðlaun á fimmtudaginn fyrir að vera besti íþróttamaðurinn í Madríd.
Ramos hlaut verðlaunin fyrir magnaðan árangur með Real Madrid og spænska landsliðinu undanfarin ár, fyrir að vera fyrirmynd og hvetja til íþróttaiðkunar í spænsku höfuðborginni.
„Ég er stoltur að vera fyrirliði Real Madrid og vil þakka ykkur öllum fyrir stuðninginn hér í kvöld," sagði Ramos á verðlaunaafhendingunni.
„Ég er frá Sevilla, Andalúsíu, en Madríd tók mér með opnum örmum fyrir 13 árum. Hér hef ég vaxið og dafnað sem einstaklingur og íþróttamaður. Ég á heima hér."
Ramos er 32 ára gamall og leiddi hann Real til sigurs í úrslitaleik Meistaradeildarinnar þriðja árið í röð síðasta vor. Frammistaða hans í leiknum var þó gríðarlega umdeild, þar sem Mohamed Salah hann sendi Mohamed Salah meiddan af velli og er talinn hafa gefið Loris Karius heilahristing.
Athugasemdir