Stuðningsmenn Real Madrid binda miklar vonir við brasilíska kantmanninn Vinicius Junior.
Vinicius er 18 ára gamall og kostaði hann Real Madrid 46 milljónir evra sumarið 2017. Hann kom til Real Madrid fyrir þetta tímabil og hefur hann í heildina spilað 14 leiki fyrir aðallið og skorað þrjú mörk.
Samkvæmt blaðamanni Sport þá er fólk í Madríd farið að líkja honum við sjálfan Lionel Messi, en blaðmaðurinn spurði Jordi Alba, bakvörð Barcelona út í þetta.
Svar Alba var einfaldlega: „Góða nótt," og greinilegt að hann er ekki sammála þessum samanburði.
Messi varð á dögunum fyrsti leikmaðurinn í sögu spænsku úrvalsdeildarinnar til að skora 400 mörk.
Athugasemdir