Í gær boðaði Bielsa til fréttamannafundar þar sem hann viðurkenndi að hann hefði látið fylgjast með æfingum hjá öllum liðum í Championship deildinni á þessu tímabili.

Bielsa gekk skrefinu lengra á löngum fréttamannafundi í gær því hann sýndi fréttamönnum hvernig hann leikgreinir öll lið fyrir leiki.

Bielsa og aðstoðarmenn hans horfa á alla leiki andstæðinga sinna á tímabilinu áður en kemur að leik gegn þeim.

Samtals fara yfir 300 klukkutímar í vinnu við að skoða andstæðinginn fyrir hvern leik. Bielsa vill vita allt um liðið sem hann er að fara að mæta.

BIelsa klippir síðan brot úr leikjum andstæðinganna niður í átta mínútna myndband sem hann sýnir leikmönnum sínum fyrir leikinn.

Næsti leikur Leeds er gegn Stoke en Nathan Jones tók við liðinu í síðstu viku eftir að hafa gert magnaða hluti með Luton. Bielsa breytti því til í undirbúningi fyrir þann leik.

„Það er erfitt að leigkreina þá því að þeir hafa bara spilað nokkra leiki undir stjórn nýs þjálfara. Við skoðuðum því 26 leiki Luton á þessu tímabili og skoðuðum taktíkina sem hann hefur notað," sagði Bielsa.

💬 | Marcelo now walks the press through video analysis of an opponent’s offensive actions, explaining how it totals 40 minutes, which is then broken down into 8 minute clips for the players pic.twitter.com/juLwE0NEGo

— Leeds United (@LUFC) January 16, 2019