Viðar Ari kemur til Sandefjord frá Brann en hann kom þangað frá Fjölni fyrir tveimur árum.

Viðar Ari náði ekki að festa sig í sessi í öflugu liði Brann en síðastliðið sumar var hann láni hjá FH í Pepsi-deildinni.

„Viðar hefur verði í erfiðri samkeppni hjá okkur. Núna fer hann til félags þar sem hann fær reglulegri spiltíma," sagði Rune Soltvedt, yfirmaður íþróttamála hjá Sandefjord.

Emil Pálsson spilaði með Sandefjord á síðasta tímabili og hann og Viðar verða nú liðsfélagar.

Emil verður þó ekki leikfær fyrr en í sumar en hann sleit hásin í síðasta mánuði.