Ole Gunnar Solskjær, stjóri Manchester United, reiknar ekki með að styrkja leikmannahópinn áður en félagaskiptaglugginn lokar eftir tæpar tvær vikur.
Þegar Solskjær tók við í síðasta mánuði var orðrómur um að hann myndi fá fé til leikmannakaupa í þessum mánuði.
Eftir sex sigra í jafnmörgum leikjum reiknar Norðmaðurinn hins vegar ekki við að bæta við hópinn.
„Nei, í rauninni ekki," sagði Solskjær á fréttamannafundi í dag aðspurður hvort að hann búist við að styrkja hópinn fyrir gluggalok.
Miðjumaðurinn ungi Scott McTominay hefur verið orðaður við Celtic á láni en Solskjær sagði í morgun að ólíklegt sé að hann fari, sérstaklega eftir að Marouane Fellaini meiddist á æfingu í vikunni.
Athugasemdir