lau 19. janúar 2019 19:05
Guðmundur Aðalsteinn Ásgeirsson
Salah ansi fljótur í 50 mörk - Alveg eins og Torres
Mynd: Getty Images
Mohamed Salah er búinn að skora 50 mörk í ensku úrvalsdeildinni, 48 mörk fyrir Liverpool og tvö fyrir Chelsea.

Salah skoraði tvennu í dag er Liverpool vann 4-3 sigur á Crystal Palace.

Salah hefur verið algjörlega frábær síðan hann gekk í raðir Liverpool frá Roma fyrir síðasta tímabil.

Það tók Salah 72 leiki að skora þessi mörk, en aðeins þrír leikmenn hafa verið fljótari en Salah að skora 50 mörk í ensku úrvalsdeildinni. Það eru Andy Cole, Alan Shearer og Ruud van Nistelrooy.

Það tók Salah jafnmarga leiki og Fernando Torres að skora 50 mörk, en neðar á listanum eru leikmenn eins og Sergio Aguero og Thierry Henry.



Athugasemdir
banner
banner
banner