Hector Bellerín, bakvörður Arsenal, varð fyrir meiðslum í 2-0 sigrinum á Chelsea í ensku úrvalsdeildinni í kvöld. Bellerín var borinn af velli í síðari hálfleik.
Þetta var fyrsti byrjunarliðsleikur Bellerín eftir að hann meiddist á kálfa í síðasta mánuði.
Bellerín hélt um hné sitt er hann lá sárþjáður. Óttast er að meiðslin séu mjög alvarleg, en það á eftir að koma betur í ljós. Það yrðu klárlega ekki góð tíðindi fyrir Arsenal að missa Bellerin.
Arsenal vann leikinn eins og áður segir 2-0 og er liðið núna aðeins þremur stigum á eftir Chelsea sem er í fjórða sæti. Manchester United er með jafnmörg stig og Arsenal og hörð barátta því framundan.
This doesn't look good... Bellerin's been stretchered off after going down in the Chelsea half
— Arsenal FC (@Arsenal) January 19, 2019
We're all with you, @HectorBellerin ❤️#ARSCHE pic.twitter.com/PyWieXN3Gy
Athugasemdir
