mán 21. janúar 2019 11:30
Magnús Már Einarsson
Piatek færist nær AC Milan - Higuain fer til Chelsea
Higuain er á leið í enska boltann.
Higuain er á leið í enska boltann.
Mynd: Getty Images
AC Milan er við það að kaupa framherjann Krzysztof Piatek frá Genoa á 31 milljón punda. Félögin ætla að funda á morgun og ganga frá samningum.

Piatek er 23 ára gamall Pólverji en hann hefur slegið í gegn með Genoa á þessu tímabili.

Piatek á að fylla skarð Gonzalo Higuain sem er á leið til Chelsea á láni fram á sumar.

Higuain hefur verið í láni hjá AC Milan frá Juventus en hann er nú að fara að skrifa undir annan lánssamning á Englandi.

Argentínumaðurinn verður á láni hjá Chelsea fram á sumar en félagið á síðan kost á að framlengja þann lánssamning um eitt ár til viðbótar.

Hjá Chelsea hittir Higuain fyrir Maurizio Sarri, fyrrum þjálfara sinn hjá Napoli.
Athugasemdir
banner
banner