Manchester United hefur unnið sjö leiki í röð síðan Solskjær tók við af Jose Mourinho í síðasta mánuði.

Orðrómur hefur verið um að Ferguson hafi verið að hjálpa Solskjær mikið en Norðmaðurinn blæs á það.

„Við tölum ekki saman vikulega. Ég hef ekki rætt oft við hann. Hann hefur komið einu sinni í heimsókn, hann kom til að hitta (Giuseppe) Rossi," sagði Solskjær.

„Ég spilaði í 15 ár undir hans stjórn og það hafði áhrif á mig. Hann er 77 ára í dag svo þessi umræða er ekki sanngjörn fyrir hann, er það?"