Neymar fór meiddur af velli eftir einvígi við Goncalves en hann virtist lenda illa og gæti brasilíski sóknarmaðurinn verið frá næstu vikur og jafnvel búist við því að hann missi af fyrri leiknum gegn Manchester United í 16-liða úrslitum Meistaradeildarinnar.

Hann var sendur upp á spítala og fór grátandi af velli en Goncalves var ekki sáttur með hann.

„Þetta er stíllinn hans Neymar. Hann er frábær leikmaður en við erum ekki hér til að hafa gaman með honum. Við þurfum að svara með því að nota okkar vopn og við þurfum að verja merkið. Við erum ekki hérna í einhverju gríni og hann getur ekki farið að grenja yfir þessu," sagði Goncalves.