Paredes er 24 ára gamall en hann spilaði í tvö ár á Ítalíu áður en hann hélt til Rússlands fyrir tveimur árum.

Hann samdi við Chievo árið 2014 áður en hann var keyptur til Roma en honum tókst þó aldrei að finna sig þar áður en hann hélt til Zenit.

Paredes hefur verið lykilmaður í liði Zenit sem er í toppsæti rússnesku deildarinnar. Chelsea og Paris Saint-Germain hafa bæði lagt fram tilboð í leikmanninn en PSG er að hafa betur.

Chelsea lagði fram 30 milljón evra tilboð í hann en PSG er tilbúið að borga töluvert meira eða 45 milljónir evra.

Chelsea sá Paredes fyrir sér sem arftaka Cesc Fabregas sem fór til Mónakó á dögunum en félagið virðist þurfa að finna sér annan leikmann.