Slúðurpakki dagsins er með slúður frá Englandi sem og fleiri stórum deildum.
Juventus ætlar að bjóða 175 milljónir punda í Mohamed Salah (26) sóknarmann Liverpool. (Sky Arabia)
Manchester United hefur ákveðið að blanda sér í baráttuna um miðjumanninn Adrien Rabiot (23) sem er á förum frá PSG í sumar. (Mirror)
Framtíð Maurizio Sarri, stjóra Chelsea, mun skýrast mjög fljótlega. (Telegraph)
Leikmenn Chelsea héldu fund á æfingasvæðinu í gær til að hreinsa andrúmsloftið eftir 6-0 tapið gegn Manchester City. (Mail)
Frank Lampard, stjóri Derby, hefur blásið á sögusagnir þess efnis að hann sé líklegur til að taka við af Sarri ef hann verður rekinn. (Evening Standard)
Forráðamenn Chelsea eru ósáttir við hvernig Sarri hefur meðhöndlað Callum Hudson-Odoi (18) á þessu tímabili. Bayern Munchen hefur mikinn áhuga á Hudson-Odoi. (Mirror)
Barcelona hefur náð samkomulagi við Eintracht Frankfurt um kaup á framherjanum Luka Jovic (21) í sumar. (Diario Sport)
Paulo Dybala (25) framherji Juventus, er að færast nær félagaskiptum til Real Madrid í sumar. (AS)
West Ham bauð 35 milljónir punda í Duvan Zapata (27) framherja Atalanta í janúar. (Di Marzio)
Darren Bent, fyrrum framherji Tottenham, óttast að önnur félög reyni við Son Heung-Min í sumar. (Goal)
Juan Foyth (21) miðvörður Tottenham segist hafa hafnað PSG árið 2017. (Goal)
Barcelona vildi fá Martin Skrtel (34) varnarmann Fenerbahce í sínar raðir í janúar. Skrtel, sem er fyrrum leikmaður Liverpool, hafnaði Börsungum. (AS)
Paul Scholes, stjóri Oldham telur að Jose Mourinho muni fylgjast með úrslitum sínum. Scholes gagnrýndi Mourinho mikið hjá United. (Mirror)
Athugasemdir