Íslendingaliðin Rostov og Vålerenga mættust í æfingaleik í gær á Spáni. Bæði lið eru á fullu að undirbúa nýtt keppnistímabil.
Matthías Vilhjálmsson gekk í raðir Vålerenga í janúar en hann kom frá Rosenborg. Hann leiddi sóknarlínu Vålerenga í leiknum.
Ragnar Sigurðsson og Björn Bergmann voru báðir í byrjunarliði Rostov í leiknum í gær en Viðar Örn Kjartansson var á varamannabekknum.
Leiknum lauk með 1-1 jafntefli en Matthías Vilhjálmsson skoraði mark Vålerenga í leiknum. Jöfnunarmark Rostov kom á 85. mínútu leiksins.
Fyrsti leikur Vålerenga í deildinni er þann 30. mars á meðan Rostov byrjar fyrr, eða 3. mars.
Athugasemdir
