Martin Skrtel, fyrrum leikmaður Liverpool, hafnaði því að ganga til liðs við Barcelona í janúar. Frá þessu greina spænskir fjölmiðlar.
Barcelona var í varnarmannleit í janúar en liði fékk Jeison Murillo frá Valencia á láni út leiktíðina.
Skrtel ákvað að hafna Barcelona þar sem að hann vildi ekki verða þriðji kostur, á eftir Gerard Pique og Samuel Umtiti.
Barcelona hefur verið að lenda í miðvarðarmeiðslum á leiktíðinni en Thomas Vermaelen og Samuel Umtiti hafa báðir verið frá vegna meiðsla.
„Skrtel er ánægður í Istanbúl og hann leikur mikilvægt hlutverk þar. Hann vildi ekki verða þriðji kostur Barelona," segir Mithat Halis, einn af starfsmönnum umboðsskrifstofunnar sem að Martin Skrtel er hjá.
Athugasemdir