Argentínumaðurinn Angel Di Maria virtist hrópa 'Fokk off' í átt að stuðningsmönnum Manchester United í gær, eftir að Paris Saint-Germain tók forystuna á Old Trafford.
Di Maria átti misheppnaða dvöl hjá United og fékk baul og blístur úr stúkunni. Hann ákvað að svara til baka eftir að PSG skoraði fyrra mark sitt í leiknum.
Á upptökum úr útsendingu frá leiknum sést Di Maria hrópa að stúkunni 'Fokk off' og spænska blótsyrðinu 'Puta'.
Margir stuðningsmenn United sögðu frá því á samfélagsmiðlum að þessi orð hefðu komið úr munni leikmannsins.
Skömmu síðar var bjórflösku kastað úr stúkunni í átt að Di Maria sem brást við með því að taka flöskuna upp og þykjast taka sopa.
Di Maria átti misheppnaða dvöl hjá United og fékk baul og blístur úr stúkunni. Hann ákvað að svara til baka eftir að PSG skoraði fyrra mark sitt í leiknum.
Á upptökum úr útsendingu frá leiknum sést Di Maria hrópa að stúkunni 'Fokk off' og spænska blótsyrðinu 'Puta'.
Margir stuðningsmenn United sögðu frá því á samfélagsmiðlum að þessi orð hefðu komið úr munni leikmannsins.
Skömmu síðar var bjórflösku kastað úr stúkunni í átt að Di Maria sem brást við með því að taka flöskuna upp og þykjast taka sopa.
Það var nóg um að vera í kringum Di Maria í leiknum en í lok seinni hálfleiks ýtti Ashley Young honum með öxlinni út fyrir hliðarlínuna í einvígi. Di Maria flaug á auglýsingaskilti og lá í dágóðan tíma.
PSG vann leikinn í gær 2-0 eins og allir vita og er með öll spil á hendi fyrir seinni leikinn. Di Maria lagði upp bæði mörkin.
Athugasemdir