Harðkjarna stuðningsmenn Roma voru með borða á lofti í gær þar sem gróf og ljót skilaboð voru send til leikmanns liðsins, Aleksandar Kolarov.
Roma vann 2-1 sigur gegn Porto í fyrri viðureign liðanna í 16-liða úrslitum Meistaradeildarinnar.
Roma vann 2-1 sigur gegn Porto í fyrri viðureign liðanna í 16-liða úrslitum Meistaradeildarinnar.
En af hverju er þessi reiði í garð Kolarov?
Þetta byrjaði allt í deilum við stuðningsmenn á lestarstöð og magnaðist upp þegar leikmaðurinn sagði í viðtali að stuðningsmenn liðsins héldu að þeir vissu meira um fótbolta en þeir í raun gerðu.
Eftir það var hótunum krotað á heimili hans. Athygli vakti að eftir að hann skoraði í 3-0 sigri gegn Chievo sneri hann sér að stuðningsmönnum aðkomuliðsins og hneigði sig.
Í Meistaradeildarleiknum í gær fékk hann svo að heyra það enn frekar frá stúkunni og ljóst að stríðsaxirnar hafa ekki verið grafnar.
Athugasemdir