Brighton var með yfirhöndina nær allan tímann er Derby County kom í heimsókn í 16-liða úrslitum enska bikarsins.

Anthony Knockaert og Jurgen Locadia skoruðu fyrir Brighton og var staðan 2-0 í hálfleik.

Hinn 38 ára gamli Ashley Cole kom inn í lið Derby í hálfleik og stóð sig með prýði. Cole hefur unnið enska bikarinn oftast allra, eða sjö sinnum, en aldrei skorað í keppninni.

Það breyttist þó í dag því hann minnkaði muninn á 81. mínútu, en það nægði því miður ekki.

Brighton er því komið áfram í 8-liða úrslitin á meðan Derby getur farið að einbeita sér að umspilsbaráttunni í Championship.

Markið hans Ashley Cole er hægt að sjá með að smella hér.