Ari Leifsson hefur framlengt samning sinn við Fylki og mun leika með liðinu til ársins 2021.
Ari er fæddur árið 1998 og er uppalinn í Fylki. Hann lék alla 22 leikina með Fylki í Pepsideildinni síðasta sumar
Hann hefur alls spilað 38 deildar og bikarleiki með Fylki og 6 leiki með U-21 árs liði Íslands.
Fylkir fékk á dögunum Arnór Gauta Ragnarsson til liðs við sig frá Breiðablik. Sam Hewson gekk í raðir liðsins fyrir jól og Helgi Valur Daníelsson framlengdi samning sinn við félagið nýverið.
Fylkir mætti Þrótti R. í Lengjubikarnum í gær og þar bar Ari fyrirliðaband Fylkis í leiknum. Leikurinn endaði með 1-1 jafntefli.
Athugasemdir