Cristiano Ronaldo tók svolítinn Georg Bjarnfreðarson er hann labbaði í gegnum svokallað „mixed zone" eftir 2-0 tap Juventus gegn Atletico Madrid í Meistaradeildinni í kvöld.
Þetta var fyrri leikur liðanna í 16-liða úrslitunum, en hann fór fram í Madríd.
Ronaldo, sem er fyrrum leikmaður Real Madrid, fékk að heyra það frá stuðningsmönnum Atletico á meðan á leiknum stóð. Hann svaraði með því að lyfta upp fimm puttum, einn putti fyrir hvern Meistaradeildartitil.
Svo þegar Portúgalinn labbaði gegnum „mixed zone" þar sem blaðamenn bíða eftir því að ná viðtölum af leikmönnum þá lyfti Ronaldo aftur upp fimm puttum og sagði:
„Ég er með fimm Meistaradeildartitla, þið eruð með núll."
Ronaldo þarf að vera í stuði í seinni leiknum gegn Atletico ef hann ætlar að bæta þeim sjötta í safnið seinna á þessu tímabili.
Cristiano Ronaldo in the mixed zone after the game:
— Klaus. (@fahadpriv) February 20, 2019
"I've got five Champions Leagues, you have none."pic.twitter.com/id24gK6C6i
Þetta minnir óneitanlega á Georg Bjarnfreðarson sem Jón Gnarr lék svo eftirminnilega í Vaktar-seríunum. Georg montaði sig samt af háskólagráðum, ekki Meistaradeildartitlum.
Athugasemdir