Stjarnan hefur lánað þá Tristan Ingólfsson og Pál Hróar Helgason yfir til KFG.
Páll Hróar er fæddur árið 2000 og spilaði með Fjarðabyggð í 2. deildinni síðasta sumar. Hann lék tuttugu leiki fyrir félagið og skoraði í þeim eitt mark. Páll er varnarmaður.
Tristan Ingólfsson á ekki skráðan meistaraflokksleik en hann er uppalinn hjá Stjörnunni.
Þeir hafa báðir leikið og æft með KFG á undirbúningstímabilinu. KFG mun leika í 2. deildinni í sumar eftir að hafa komist upp úr 3. deild á síðasta tímabili.
KFG mætti Vængjum Júpíters í gær og voru þeir báðir í byrjunarliði KFG í leiknum.
Athugasemdir