banner
   fös 15. mars 2019 09:07
Elvar Geir Magnússon
Lukaku bætist á meiðslalista Man Utd
Lukaku er meiddur.
Lukaku er meiddur.
Mynd: Getty Images
Romelu Lukaku, sóknarmaður Manchester United, missir líklega af bikarleiknum gegn Wolves á laugardagskvöld.

Lukaku er meiddur á ökkla og óvíst er með þátttöku hans með Belgíu í komandi landsleikjahléi.

Ole Gunnar Solskjær sagði á fréttamannafundi í dag að óvissa væri með þátttöku Lukaku á morgun.

Anthony Martial kom aftur inn í hópinn í tapinu gegn Arsenal á Emirates og gæti byrjað á morgun. Alexis Sanchez og Juan Mata eru enn meiddir og Jesse Lingard glímir við meiðsli aftan í læri.

Meiðsli Lukaku gætu opnað dyr fyrir hinn unga Mason Greenwood sem spilaði sinn fyrsta leik fyrir aðallið United í sigrinum í París.

Það er nóg framundan hjá United sem berst fyrir því að enda í topp fjórum í ensku úrvalsdeildinni og er í 8-liða úrslitum Meistaradeildarinnar og FA bikarsins.
Athugasemdir
banner
banner
banner
banner
banner