Eftir markalaust jafntefli á Anfield fór Liverpool til Þýskalands og vann frábæran 3-1 sigur.

Mourinho er á þeirri skoðun að frammistaða Liverpool hafi verið betri en frammistaða Manchester United gegn Paris Saint-Germain á dögunum. United kom til baka eftir að hafa tapað 2-0 á heimavelli.

„Liverpool tókst að koma mér á óvart. Ég held að þeir hafi ekki komið sjálfum sér á óvart vegna þess að þeir eru fyrstir til að trúa. En ég held að þeir hafi komið mörgum á óvart með þessari frammistöðu."

Mourinho telur að frammistaða Liverpool í leiknum geti jafnvel hjálpað liðinu í baráttunni um enska meistaratitilinn.

Frammistaða Bayern sorgleg
Mourinho var heillaður af Liverpool en hann var jafnframt mjög vonsvikinn með Bayern og lýsti hann frammistöðu Þýskalandsmeistaranna sem „sorglegri".

„Það var sorglegt að sjá Bayern. Liverpool kom framar á völlinn, en Bayern hélt línu sinni niðri."

„Lewandowski var einmana. Það var engin pressa á miðjunni. James var algjörlega týndur. Heilt yfir var þetta mjög sorgleg frammistaða hjá Bayern."

Þetta er í fyrsta sinn síðan 2010-11 sem Bayern fer ekki í 8-liða úrslitin.

Liverpool mætir Porto í 8-liða úrslitunum.

In his @RT_com show, Jose Mourinho hailed LFC’s performance in Munich as “the best of the season in UCL”.

He initially predicted that Bayern would qualify, but was left surprised by Liverpool.

Jose also believes that LFC may now be “reborn mentally” after that win pic.twitter.com/8OOrEIjmOH

— Alexey Yaroshevsky (@YaroLFC) March 15, 2019