Vinstri bakvörðurinn Böðvar Böðvarsson lék allan leikinn fyrir Jagiellonia Bialystok þegar liðið tapaði gegn Korona Kielce á heimavelli í pólsku úrvalsdeildinni í dag.
Gestirnir leiddu 2-0 í hálfleik. Jagiellonia minnkaði muninn á 78. mínútu, en lengra komst liðið ekki. Korona Kielce skoraði þriðja mark sitt í uppbótartíma og lokatölur 3-1.
Þetta er sjöundi deildarleikurinn sem Böðvar spilar á tímabilinu, en hann hefur verið að spila meira að undanförnu.
Jagiellonia er í fimmta sæti pólsku deildarinnar, tíu stigum frá toppnum.
Í gær lék Adam Örn Arnarson frá 56. mínútu þegar lið hans, Górnik Zabrze, bar sigur úr býtum gegn Lech Poznan, 3-0. Górnik er í 12. sæti pólsku úrvalsdeildarinnar.
Sjá einnig:
Adam Örn á kanti: Horfði á Bödda löpp og hló
Athugasemdir