Einum færri komst Leicester yfir á 33. mínútu. Dwight McNeil jafnaði fyrir Burnley á 38. mínútu. Í uppbótartímanum skoraði fyrirliði Leicester, Wes Morgan, og tryggði liðinu magnaðan sigur.

Hræðileg úrslit fyrir Burnley sem fékk þarna gullið tækifæri til að koma liðinu aðeins frá fallsvæðinu. Burnley er tveimur stigum frá fallsæti. Leicester er í 11. sæti.

Jóhann Berg Guðmundsson spilaði 81 mínútu fyrir Burnley, en framundan er landsliðsverkefni hjá honum.

81' Brady is on for Gudmundsson. 1-1

— Burnley FC (@BurnleyOfficial) March 16, 2019

Boðið upp á dramatík
Í hinum tveimur leikjunum sem voru að klárast í ensku úrvalsdeildinni var boðið upp á mikla dramatík.

West Ham vann ótrúlegan sigur á Huddersfield, sem er svo gott sem fallið. Eftir að hafa lent 3-1 undir vann West Ham 4-3. Það hefur ekkert gengið upp hjá Huddersfield á þessu tímabili og þessi leikur var dæmigerður fyrir tímabilið þeirra.

West Ham er í níunda sæti og gæti verið að blanda sér í Evrópubaráttu.

Newcastle náði að bjarga stigi gegn Bournemouth á útivelli. Salomon Rondon kom Newcastle yfir en Joshua King svaraði með tveimur mörkum. Hann kom Bournemouth yfir á 81. mínútu. En á 94. mínútu bjargaði Matt Ritchie stigi fyrir Newcastle. Dramatíkin mikil.

Newcastle er í 13. sæti og Bournemouth í 11. sæti. Bæði lið í miðjumoði í augnablikinu.

Bournemouth 2 - 2 Newcastle
0-1 Salomon Rondon ('45 )
1-1 Joshua King ('48 , víti)
2-1 Joshua King ('81 )
2-2 Matt Ritchie ('90 )

Burnley 1 - 2 Leicester City
0-1 James Maddison ('33 )
1-1 Dwight McNeil ('38 )
1-2 Wes Morgan ('90 )
Rautt spjald:Harry Maguire, Leicester City ('4)

West Ham 4 - 3 Huddersfield
1-0 Mark Noble ('15 , víti)
1-1 Juninho Bacuna ('17 )
1-2 Karlan Ahearne-Grant ('30 )
1-3 Karlan Ahearne-Grant ('65 )
2-3 Angelo Ogbonna ('75 )
3-3 Javier Hernandez ('84 )
4-3 Javier Hernandez ('90 )