Sergio Agüero kom inn af bekknum og við það gjörbreyttist leikurinn. Hann átti þátt í fyrsta marki City og skoraði hin tvö í 2-3 sigri.

Jöfnunarmark Agüero kom úr vítaspyrnu sem átti líklegast ekki að standa og sigurmarkið skoraði hann úr rangstöðu. Pep Guardiola er ekki sáttur með hvernig Englandsmeistararnir unnu og kallar eftir aukinni myndbandsdómgæslu á Englandi.

„Myndbandstæknin (VAR) er notuð um alla Evrópu, nema hér á Englandi. Mér finnst ekki gaman að vinna svona, því miður," sagði Pep.