Rúnar Alex Rúnarsson var á bekknum er Dijon tapaði fyrir Guingamp í franska boltanum í kvöldin.

Allain varði mark Dijon en hann tók byrjunarliðssætið af Rúnari fyrr á tímabilinu.

Leikurinn var nokkuð jafn þar sem liðin skiptust á að eiga færi en undir lok leiksins endaði Allain sem skúrkurinn þegar hann gaf vítaspyrnu og fékk gult spjald fyrir.

Ludovic Blas gerði sigurmarkið úr vítaspyrnunni og er staða Dijon orðin ansi slæm í fallbaráttunni.

Dijon er átta stigum frá öruggu sæti, en einu stigi á eftir Guingamp sem er í umspilssæti á fallsvæðinu.