Wolves 2 - 1 Manchester United
1-0 Raul Jimenez ('70)
2-0 Diogo Jota ('76 )
2-1 Marcus Rashford ('95)
1-0 Raul Jimenez ('70)
2-0 Diogo Jota ('76 )
2-1 Marcus Rashford ('95)
Úlfarnir voru rétt í þessu að slá Manchester United úr leik í 8-liða úrslitum enska bikarsins.
Leikurinn var nokkuð jafn þar sem bæði lið voru spræk og áttu fín færi en fyrsta mark leiksins kom ekki fyrr en á 70. mínútu þegar Raul Jimenez skoraði.
Jimenez var frekar heppinn þar sem hann sparkaði knettinum tvisvar sinnum frá sér í aðdraganda marksins en alltaf datt hann aftur fyrir framan hann og á endanum skaut hann í netið. Diogo Jota kom knettinum á Jimenez eftir frábært hlaup á vinstri kantinum þar sem hann lék á þrjá varnarmenn Rauðu djöflanna.
Man Utd sótti af krafti í kjölfarið en Úlfarnir komust í skyndisókn þar sem Jota skoraði eftir glæsilegt einstaklingsframtak. Hann var algjörlega óstöðvandi á köflum og með bestu mönnum vallarins.
Rauðu djöflarnir reyndu að koma til baka en það gekk ekki vel. Victor Lindelöf fékk beint rautt spjald undir lokin en því var breytt í gult spjald með aðstoð myndbandstækninnar.
Marcus Rashford náði að minnka muninn fyrir Man Utd í uppbótartíma en leikurinn var flautaður af skömmu síðar og lokatölur 2-1.
Athugasemdir