Peralada er smábær um 150 kílómetra austur af Barcelona en ákveðið var að æfa þar frekar en í Andorra þar sem leikið er á föstudaginn.

„Þetta hefur verið fínt, það er reyndar svolítið kaldur vindur, en ágætisvöllur og maturinn tipp topp og hótelið fínt," sagði Ari við Fótbolta.net í dag.

Eitt er það þó sem hefur vakið upp smá viðbrögð viðstaddra á æfingasvæðinu því búið er að bera skít á túnin í kring og fnykinn leggur yfir svæðið.

„Þetta er bara eins og heima í Belgíu. Það er svona skítalykt á hverjum degi heima hjá mér. Ég er vanur þessu," sagði Ari og hló.