Landsliðskonan Rakel Hönnudóttir skoraði sigurmarkið á lokastundu þegar Reading sló Manchester United út í 8-liða úrslitum enska bikarsins á dögunum.
Eftir markalausar 90 mínútur var farið í framlengingu sem var gríðarlega fjörug. Í framlengingunni voru skoruð fimm mörk.
Þegar allt virtist stefna í vítaspyrnukeppni náði Rakel að setja knöttinn í netið og tryggja þannig þátttöku Reading í undanúrslitum.
Reading mun leika gegn West Ham í undanúrslitunum í apríl. Í hinu undanúrslitaeinvíginu mætast Chelsea og Manchester City.
Rakel fer í apríl í landsliðsverkefni með Íslandi í Suður-Kóreu.
Hér að neðan má sjá markið sem sló út Manchester United.
Athugasemdir
