Lestu um leikinn: Frakkland 4 -  0 Ísland

„Við náðum að loka vel á þá í fyrri hálfleik. Þeir fengu nokkur hálffæri og tvö mjög góð færi. Varnarleikurinn annars var í lagi. Við vorum því miður ekki mikið með boltann en við ætluðum að reyna að nýta einhverjar skyndisóknir, það gekk ekki."

„Þegar þeir skora annað markið þá dettur skipulagið niður og þeir ná því miður að skora alltof mörg mörk."

„Þeir eru bara ógeðslega góðir og náðu bara alltaf að finna leiðir í gegn. Þetta eru bara gæða leikmenn og við ekki alveg á okkar degi."

Birkir segir að þetta sé eitt allra besta lið sem að hann hefur spilað á móti.

„Þetta er eitt af þeim. Ekki mörg lið sem eru betri en þeir. Þeir eru ekki betri en við héldum, þeir eru heimsmeistarar. Við áttum alveg von á frábæru liði en við vorum ekki á okkar besta degi."

Birkir Már Sævarsson varð í kvöld næst leikjahæsti leikmaður í sögu íslenska karlalandsliðsins. Hann lék sinn 90. landsleik í kvöld.

„Já, allavega kominn með 90. Það er miklu meira en ég þorði að gera mér vonir um í mínum villtustu draumum. Leikjametið er ennþá langt í burtu en ég vona að ég fái að spila fleiri leiki. Líkaminn er fínn og mér finnst ég ekkert vera að gefa eftir."

Viðtalið við Birki Má má sjá í spilaranum hér að ofan.