„Við spiluðum mjög vel, þetta er minn besti leikur fyrir landsliðið síðan á HM. Við erum með ótrúlega sterkt lið og náum mjög vel saman sem einstaklingar, það er rosalega mikilvægt að vera vinir utan vallarins," sagði Pavard.

Pavard var verðlaunaður fyrir að skora flottasta mark Heimsmeistaramótsins, í 4-3 sigri gegn Argentínu í 16-liða úrslitum. Hann komst nálægt því að skora svipað mark gegn Íslandi en hitti ekki markið.

„Ég fann fyrir því þegar allur leikvangurinn dró að sér andann rétt áður en ég hitti knöttinn. Áhorfendur vilja virkilega sjá mig skora annað svona mark, ég vona að það gerist í framtíðinni."