Ákveðið hefur verið að senda sterk skilaboð til áhorfenda á leikjum í enska boltanum. Jack Grealish, leikmaður Aston Villa, var kýldur af áhorfanda í sigri gegn nágrönnunum í Birmingham degi áður en stuðningsmaður Arsenal hljóp inn á völlinn, hrinti Chris Smalling og fagnaði svo marki með leikmönnum í 2-0 sigri gegn Manchester United.
Stuðningsmaður Arsenal heitir Gary Cooper og er 30 ára gamall. Hann þarf að mæta fyrir dóm 16. maí vegna atviksins en ákveðið var að kæra hann fyrir að hlaupa inn á völlinn og fyrir líkamsárás.
Hann játaði því að hafa hlaupið inn á völlinn en neitaði að hafa ráðist á Smalling. Atvikið náðist á myndavélar og áhugavert verður að sjá hvort dómarinn meti þetta sem líkamsárás eða ekki. Þetta mál gæti sett mikilvægt fordæmi.
Smalling mun sjálfur mæta í dómsalinn og veita eiðsvarinn vitnisburð.
Athugasemdir
