lau 06. apríl 2019 17:58
Sæbjörn Þór Þórbergsson Steinke
Rússland: Arnór skoraði bæði mörk CSKA í sigri á Spartak
Mynd: Getty Images
Spartak 0 - 2 CSKA
0-1 Arnór Sigurðsson ('46 )
0-2 Arnór Sigurðsson ('55 )

CSKA heimsótti granna sína í Spartak á Otkrytiye vellinum í Moskvu í dag. Arnór Sigurðsson var í byrjunarliði CSKA í leiknum og gerði bæði mörk liðsins í leiknum.

Fyrra markið kom á upphafsmínútu seinni hálfleiks en eftir langan bolta fram völlinn frá markmanni og mikinn darraðadans í teignum tókst Arnóri að koma boltanum í netið.

Seinna markið kom tæpum tíu mínútum seinna en þá átti Mario Fernandes sendingu á Arnór sem skilaði knettinum, með viðkomu í markmanni Spartak, í netið. Mörkin tvö má sjá hér að neðan.

Sigurinn skilaði CSKA upp í þriðja sæti deildarinnar. Fyrr í dag sigraði Krasnodar, lið Jóns Guðna Fjólusonar, lið Krylya Sovetov að velli, 1-0. Jón Guðni var ónotaður varamaður hjá Krasnodar. Krasnodar er í öðru sæti deildarinnar. Hörður Björgvin Magnússon var ekki í leikmannahópi CSKA í dag.








Athugasemdir
banner
banner
banner
banner
banner