Austurríkismaðurinn Ralph Hasenhuttl er að gera virkilega flotta hluti með Southampton.
Hann skrifaði undir tveggja og hálfs árs samning í desember og tók við af Mark Hughes. Hann tekur hart á tölvuleikjafíkn og er að skila góðum úrslitum.
Hasenhuttl er fyrrum landsliðsmaður Austurríkis en hann var síðast stjóri RB Leipzig áður en hann tók við Dýrlingunum. Á stjóraferlinum hefur hann meðal annars afrekað að koma Ingolstadt upp í efstu deild í fyrsta sinn í sögu félagsins.
Þegar rýnt er í tölfræðina þá er árangurinn sem Hasenhuttl hefur náð hingað til hreint út sagt ótrúlegur. Southampton hefur unnið átta af 18 deildarleikjum undir hans stjórn.
Það er jafnmikið og liðið vann í 52 leikjum undir stjórn Mark Hughes og Mauricio Pellegrino, síðustu stjóra félagsins.
Framtíðin virðist björt hjá Southampton undir stjórn Hasenhuttl.
Southampton have won 8 of 18 #PL matches under Ralph Hassenhuttl, as many as they’d won in 52 under their two previous permanent managers combined (Mark Hughes 3/22, Mauricio Pellegrino 5/30) pic.twitter.com/0blkPF36TV
— Premier League (@premierleague) April 13, 2019
Athugasemdir