Leikurinn endaði 3-3 en hans verður minnst fyrir þau hræðilegu mistök sem Sean Johnson, markvörður New York, gerði.

Johnson kom Minnesota í 3-2 þegar hann setti boltann í eigið net á ótrúlegan hátt. Hann fékk sendingu til baka og tók á móti boltanum þannig að hann fór í markið.

Viðstaddir og áhorfendur heima í stofu trúðu ekki sínum eigin augum.

Sem betur fer fyrir Johnson þá bjargaði Ismael Tajouri stigi fyrir New York.

New York City FC hefur ekki byrjað tímabilið vel og er liðið með fimm stig eftir sex leiki. Liðið hefur ekki enn unnið leik.