Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 15. apríl 2019 11:00
Hafliði Breiðfjörð
Fram ætlar að spila heimaleiki sína í Safamýrinni í sumar
Frá leik í Safamýrinni í fyrrasumar.  Völlurinn verður nú heimavöllur Fram í Inkasso-deildinni í sumar.
Frá leik í Safamýrinni í fyrrasumar. Völlurinn verður nú heimavöllur Fram í Inkasso-deildinni í sumar.
Mynd: Fótbolti.net - Hafliði Breiðfjörð
Fram stefnir á að spila heimaleiki sína í Inkasso-deild karla í Safamýrinni í sumar en þetta staðfesti Daði Guðmundsson framkvæmdastjóri félagsins við Fótbolta.net í dag.

Fram hefur til fjölda ára spilað heimaleiki sína á þjóðarleikvangnum, Laugardalsvelli ef frá er talið sumarið 2015 er þeir léku á framtíðarsvæði sínu í Úlfarsárdal eftir að komið var upp bráðabirgðastúku þar. Sá völlur fékk svo ekki samþykki hjá KSÍ árið eftir.

Félagið á þó tvö svæði því auk Úlfarsársdalsins hefur heimasvæði félagsins alltaf verið í Safamýrinni. Þar ætla þeir að spila í sumar.

„Á næstu dögum/vikum verður sett upp stúka til að uppfylla kröfur um nægilegan fjölda sæta á vellinum. Varamannaskýlin verða stækkuð og malbikið umhverfis völlinn verður lagt gervigrasi," sagði Daði við Fótbolta.net en þar með uppfyllir félagið þær kröfur sem þarf til að geta gert völlinn að sínum heimavelli.

Völlurinn í Safamýri er með gervigrasi en þar spilaði Fram fyrstu leiki sína í Inkasso-deildinni í fyrrasumar þegar Laugardalsvöllur var ekki tilbúinn. Með þessu verður helmingur liðanna í deildinni á gervigrasi, 6 af 6 liðum alveg eins og er í Pepsi Max-deildinni.
Athugasemdir
banner
banner
banner
banner
banner