Argentínski sóknarmaðurinn Sergio Agüero getur í dag orðið annar leikmaðurinn í sögu ensku úrvalsdeildarinnar til að skora yfir 20 mörk á tímabili 5 ár í röð.
Sá eini sem hefur afrekað slíkt í enska boltanum er franska goðsögnin Thierry Henry sem bar lið Arsenal á herðum sér í nokkur ár undir stjórn Arsene Wenger, áður en hann hélt til Barcelona.
Það er erfitt að skora 20 mörk á tímabili í enska boltanum og ekki á hverju ári sem einhverjum tekst það. Til samanburðar skoraði Alan Shearer fjórum sinnum yfir 20 mörk á tímabili í deildinni og aldrei tókst honum að gera það tvö ár í röð.
Agüero er markahæstur í deildinni sem stendur ásamt Mohamed Salah. Báðir hafa þeir gert 19 mörk og lagt 7 upp.
Man City á stórleik í dag og getur Agüero gert tuttugasta markið sitt í deildinni á Etihad leikvanginum, gegn Tottenham. Liðin mættust á sama velli fyrr í vikunni og skoraði Agüero eitt í 4-3 sigri Man City. Sigurinn nægði þó ekki til að fleyta liðinu áfram í undanúrslit Meistaradeildarinnar og því hafa þeir ljósbláu harma að hefna.
Athugasemdir
