Heil umferð fer fram í dag í ensku Championship deildinni. Þetta er 44. umferð deildarinnar en leiknar eru 46 í heildina.

Aston Villa hefur unnið níu leiki í röð í deildinni og mætir Millwall, fjórða neðsta liði deildarinnar í hádegisleiknum. Millwall er þremur stigum fyrir ofan Rotherham sem er í fallsæti og Millwall á leik til góða.

Rotherham mætir í dag Birmingham sem er sjö stigum frá fallsæti.

Mikið einvígi er um annað sæti deildarinnar og kljást þar Leeds og Sheffield United um þetta sæti sem færir liðunum öruggt sæti í úrvalsdeildinni á komandi leiktíð. Liðin eru jöfn að stigum en Sheffield hefur betri markatölu fyrir leiki dagsins.

Leeds heimsækir Brentford í beinni útsendingu í lokaleik dagsins. Sheffield Utd fer í heimsókn til Hull.

Bristol City og Derby eru liðin sem sitja í 7. og 8. sæti deildarinnar og vonast til þess að koma bakdyramegin inn í umspilssæti.