Silva hoppaði upp til að skalla bolta en fór svo með vinstri fótinn í maga Pereira sem lá eftir.

Silva var ekki spjaldaður af dómaranum Andre Marriner, en þar sem dómarinn sá atvikið þá mun Silva ekki fara í bann.

Gary Neville, sem var að lýsa leiknum, fannst að Silva hefði átt að fá rauða spjaldið.

„David Silva er mjög heppinn. Dómarinn sér þetta, mér finnst þetta rautt spjald. Hann hefur verið frábær í kvöld og þetta er ekki í hans karakter. Maður sér hann vanalega ekki taka kung-fu spörk. Mjög heppinn," sagði Neville.

Mark Clattenburg, fyrrum dómari í ensku úrvalsdeildinni, segir einnig að Silva hafi verið mjög heppinn.

Atvikið má sjá hérna.

Titilbaráttan
Silva verður því með í síðustu þremur deildarleikjum City á tímabilinu. Það er ótrúleg spenna í titilbaráttunni, en City er með eins stigs forystu á Liverpool fyrir síðustu þrjár umferðirnar.

Hér að neðan má sjá þá leiki sem þessi lið eiga eftir á tímabilinu.

Leikirnir sem Liverpool á eftir:
Huddersfield (heima)
Newcastle (úti)
Wolves (heima)

Leikirnir sem Man City á eftir:
Burnley (úti)
Leicester (heima)
Brighton (úti)