Klukkan 19:15 hefst viðureign ÍA og FH í fjórðu umferð Pepsi Max-deildar karla en liðin hafa byrjað mótið á nákvæmlega sama hátt með tveimur sigrum og einu jafntefli. Því eru í 2. -3. sæti deildarinnar með 7 stig og 3 mörk í plús á markatölu.

Byrjunarliðin eru nú klár og þau má sjá hér að neðan. Lið ÍA er óbreytt frá 1-2 sigrinum á Íslandsmeisturum Vals um helgina og FH gerir litlar breytingar líka, því eina breytingin á þeirra liði er að Vignir Jóhannesson kemur í markið í stað Gunnar Nielsen sem verður frá keppni næstu mánuði eftir handarbrot.

Það vekur helst athygli að FH nær ekki að manna 18 manna hóp því aðeins 17 eru á leikskýrslu hjá þeim í dag en ástæða þess ku vera sú að 2. flokkur á leik í dag og leikmenn sem eru gjaldgengir þar að spila með honum.