„Þetta er góð tilfinning og ég er virkilega stoltur af þessum strákum," sagði Jóhannes Karl Guðjónsson, þjálfari ÍA, eftir 2-0 sigur á FH í Pepsi Max-deildinni í kvöld.
Skagamenn, sem eru nýliðar í deildinni, eru komnir á toppinn eftir fjórar umferðir.
Skagamenn, sem eru nýliðar í deildinni, eru komnir á toppinn eftir fjórar umferðir.
Lestu um leikinn: ÍA 2 - 0 FH
„Þetta er frábær hópur að vinna með. Þeir lögðu mikið á sig í kvöld til að uppskera þennan sigur og það var frábært að fylgjast með þeim inn á vellinum - öllum hópnum."
Hinn 19 ára gamli Bjarki Steinn Bjarkason skoraði bæði mörk ÍA í kvöld.
„Bjarki er frábær leikmaður og er búinn að vera frábær í allan vetur. Að mínu mati var hann mjög góður á móti Val og var óheppinn að skora ekki þar. Hann er svakalega ógnandi einn á móti einum, og hann er vinnusamur eins og þeir allir og vinnur vel fyrir liðið."
„Stigasöfnunin hefur verið góð. Við vissum að byrjunin á Íslandsmótinu er alltaf krefjandi og ég er fyrst og fremst ánægður með það hvernig strákarnir hafa mætt inn í mótið."
Viðtalið er í heild sinni hér að ofan.
Athugasemdir
